Styrkir og lán til atvinnuþróunar á Vesturlandi
Vaxtarsamningur Vesturlands veitir styrkjum til samstarfsverkefna (klasa) á Vesturlandi.
Menningarráð Vesturlands veitir styrki til ýmis konar nýsköpunarverkefna á sviði lista og menningar.
Markmið félagsins er að taka þátt í stofnun og starfsemi annarra félaga sem rekin eru á grundvelli arðsemissjónarmiða, fela í sér nýmæli í atvinnulífi og eru mikilvægur þáttur í uppbyggingu á starfssvæði félagsins. Félagið mun fjárfesta í hlutabréfum slíkra félaga eða í skuldabréfum, sem breyta má í hluti í þeim.
Hjá Nýsköpunarmiðstöð Íslands er hægt að sækja um ýmsa styrki:
Fyrir frumkvöðla: Styrkur allt að 600 þús. til að þróa viðskiptahugmynd.
Fyrir nýsköpun í starfandi fyrirtækjum: Styrkur allt að 3 millj. til að þróa nýja vöru eða þjónustu í starfandi fyrirtækjum.
Fyrir rekstrarráðgjöf í starfandi fyrirtækjum: Styrkur allt að 600 þús. til að endurskipuleggja rekstur minni fyrirtækja.
Fyrir klasa: Styrkur allt að 3 millj. til þróunar klasasamstarfs 5 eða fleiri aðila.
Framleiðnisjóður landbúnaðarins hefur leitast við að styðja við frumkvæði og vænleg viðfangsefni og svara eftirspurn án þess að halda fram einu umfram annað. Í seinni tíð hefur stuðningur sjóðsins í vaxandi mæli beinst að þróunar- og rannsóknarverkefnum sem tengjast atvinnuuppbyggingu í dreifbýli.
Framleiðnisjóður starfar ekki sem lánasjóður nema að litlu leyti en hefur stutt myndarlega við ýmsar búháttabreytingar á lögbýlum. Styrkir til lögbýla nema þó aldrei meira en 30% af framkvæmdakostnaði og er hámarks styrkveiting kr. 2 milljónir. Skal umsækjandi vera með lögheimili á lögbýli.
Vaxtarsprotar er samstarfsverkefni Framleiðnisjóðs og Nýsköpunarmiðstöðvar Íslands ætlað til stuðnings við nýsköpun í sveitum.
Meginmarkmið sjóðsins er að styðja konur til nýsköpunar í atvinnulífi með því að veita styrki til nýsköpunarverkefna. Styrkir eru á bilinu 300. þús til 2 mill. en að hámarki 50% af kostnaði.
Hjá Byggðastofnun er hægt að sækja bæði um lán, styrki og hlutafé til atvinnuuppbyggingar á landsbyggðinni. Veitir hún styrki til margs konar nýjunga í atvinnulífi landsbyggðarinnar og lán vegna fjárfestinga þar. Hlutverk stofnunarinnar er að stuðla að þjóðfélagslega hagkvæmri þróun byggðar í landinu. Á heimasíðu hennar er að finna gott yfirlit og vísanir á vefsíður bæði innlendra og norrænna sjóða sem veita fjármagni til atvinnuþróunar.
Nýsköpunarsjóður atvinnulífsins tekur einnig þátt í fjármögnun fyrirtækja sem eru í algerri nýsköpun í framleiðslu sinni. Um tvenns konar fjármögnun er að ræða, áhættulán og hlutafé.
Nýsköpunarsjóður námsmanna styrkir fyrirtæki til að ráða til sín námsmenn tímabundið til afmarkaðra verkefa á ýmsum sérsviðum, s.s. á sviði vöruþróunar.
Ferðamálastofa
Ferðamálastofa Íslands veitir styrki til úrbóta á ferðamannastöðum.
AVS (Aukið verðmæti sjávarfangs) er sjóður á vegum sjávarútvegsráðuneytis sem hefur að markmiði að styrkja verkefni sem ætlað er að auka verðmæti sjávarfangs.
Um er að ræða styrki til þróunar- og samstarfsverkefna leik-, grunn-, framhalds- og háskóla, auk endurmenntunar (Gruntvig, Erasmus, Comenius, Leonardo). Fjölmargir íslenskir skólar hafa fengið styrki.
Ýmsir styrkir
Á þessari síðu Nýsköpunarmiðstöðvar er listi yfir ýmsa styrktaraðila. Sumir þeir sömu og nefndir eru hér að ofan.
Prenta síðu
